caracolatola

PARALÁ

2012-02-15T02:24:00.001-08:00

ROSALÍA DE CASTRO- ACTIVIDADE LIM

2012-01-31T08:34:00.000-08:00

Un ano máis a nosa biblioteca quere celebrar o nacemento de Rosalía creando unha actividade para coñecela mellor.

PARALÁ de MERCEDES PEÓN

2012-01-26T13:06:00.000-08:00

PARA TODA A MIÑA XENTE
PRA TODOS OS MEUS PARENTES
PRA XENTIÑA DA GHOLADA
E PRA OS DE OZA DOS RÍOS
UN SAÚDO PARA ALÁ.
PARA TODA A MIÑA XENTE
PARA TODO O MEU PARENTE
PARA A XENTIÑA DO MUNDO
PARA O MEU IRMÁN PRESENTE.
…
PRA XENTE QUE NON MARXINA
PARA OS QUE SON MUSULMÁNS
PARA OS QUE SON ORIENTAIS
PRA MIÑA XENTE AFRICANA
UN SAÚDO PARA ALÁ.
…
PRA AQUÍ, PRA ALÁ, PRA ALÁ, PRA ACÁ
E OS DE AQUÍ PRA ACOLÁ
PRA MÁIS PRA ALÁ
E OS DO BRASIL, VINDE PRA AQUÍ
QUE NÓS IMOS PRA ALÍ
E ALÉN DE ALÍ.
E O MUNDIÑO ROLA, ROLA
E ASÍ ANDA, E ASÍ ANDA
E ASÍ ANDA, E ASÍ ANDA
CANTA RAFA O MEU IRMAO
E ASÍ ANDA, ASÍ ANDA
O MUNDIÑO A ROLAR.
…
PRA XENTE QUE NON MARXINA
PARA OS QUE SON MUSULMÁNS
PARA OS QUE SON ORIENTAIS
PRA MIÑA XENTE AFRICANA
UN SAÚDO PARA ALÁ.
PRA AQUÍ, PRA ALÁ, PRA ALÁ, PRA ACÁ
E OS DE AQUÍ PRA ACOLÁ
PRA MÁIS PRA ALÁ
E OS DO BRASIL, VINDE PRA AQUÍ
QUE NÓS IMOS PRA ALÍ
E ALÉN DE ALÍ.
E O MUNDIÑO ROLA, ROLA
E ASÍ ANDA, E ASÍ ANDA
E ASÍ ANDA, E ASÍ ANDA
CANTA RAFA O MEU IRMAO
E ASÍ ANDA, ASÍ ANDA
O MUNDIÑO A ROLAR.

PARA TODA A MIÑA XENTE

PARA TODO O MEU PARENTE
PARA A XENTIÑA DO MUNDO
PARA O MEU IRMÁN PRESENTE.

Tema incluído no seu disco “Sihá”

SAÚDOS POLA PAZ

2012-01-26T12:42:00.002-08:00

Este ano toda a escola nos puxemos a cantar a canción "PARALÁ" de Mercedes Peón e traballando coa súa letra fomos inventando outra para as diferentes partes da da canción.
A profe de música, Raquel traballou moito con todos nós e tivo moita paciencia.
Proximamente, mostraremos o resultado do traballo totalmente rematado.

CANTIGA DA PAZ 2012
(ALUMNADO DO CEIP ALEXANDRE BÓVEDA)

Pra xente que non marxina
Un saúdo para alá
Para a xente mariñeira
Un saúdo para alá
Para a xente labrega
Un saúdo para alá
Pra miña xente galega
Un saúdo para alá

Para todas as estrelas
Pra xentiña moi amiga
Pra xentiña de Chapela
E tamén pra Redondela

Para as nenas e os nenos
Un saúdo para alá
Pra todas as nosas nais
Un saúdo para alá
Para toda a boa xente
Un saúdo para alá
Especialmente as chinesas
Un saúdo para alá

E os do Brasil vinde pra aquí
Que nós imos pra alí, e máis pra alí
E as do Xapón vinde pra acó
Que nós imos pra aló, e máis pra aló

Pra xente que non marxina
Un saúdo para alá
Para os que comen o polvo
Un saúdo para alá
Para os que comen cacheira
Un saúdo para alá
E tamén os da empanada
Un saúdo para alá

Pra xente que vive en Francia
Un saúdo para alá
Para os que son alemáns
Un saúdo para alá
Para os que son españois
Un saúdo para alá
Pra miña xente africana
Un saúdo para alá

Para a xente chapelana
Un saúdo para alá
Para os que son de Trasmañó
Un saúdo para alá
Para os que son de Arealonga
Un saúdo para alá
E tamén os de Angorén
Un saúdo para acá

Pola beleza e nobreza
Para desarmar o male
Polas pegadas galegas
E pola boa vontade

Pra todos os meus amigos
Un biquiño para alá
Pra todas as relixións
Un biquiño para alá
Pra todos os que sorrín
Un biquiño para alá
Pra toda a xente pobre
Un biquiño para alá

MÁIS LIBROS NOVOS PARA CELEBRAR O DÍA DA PAZ

2012-01-25T11:52:00.000-08:00

O CONTO VIAXEIRO DE LOIS PEREIRO EDITADO

2012-01-25T10:28:00.000-08:00

Vimos de recibir os exemplares da edición do "Conto viaxeiro sobre Lois Pereiro " realizado o curso pasado entre varias aulas de E. Infantil do concello de Redondela e editado pola Xunta de Galicia e o Concello.
Mostramos a portada , os participantes e unha das páxinas feita polo noso alumnado.

Paralá

2012-01-25T08:54:00.000-08:00

O AGASALLO DE MERCEDES

2012-01-22T02:07:00.000-08:00

Levamos varios días festexando as lecturas dos libros que nos regaláches, comparando marcapáxinas e imaxinando diferentes actividades de animación cos monicreques , cos carteis, coas ideas, (sempre a idea de gozar coa lectura) nese amplo fondo de armario que legaches á nosa biblioteca.
As fotos son unha pequena mostra da túa pegada na biblioteca da Caracola Tola.
APERTAS. GRAZAS.

RECURSOS PARA A PAZ

2012-01-22T02:03:00.000-08:00

Na biblioteca temos estes días contos para traballar sobre a paz eoutros valores relacionados con este tema.

PROXECTOS EN MARCHA

2012-01-22T01:56:00.000-08:00

O PROXECTO DESTE CURSO VAI TOMANDO FORMA E O ALUMNADO DE 4º CURSO DÁ BOAS MOSTRAS CO SEU TRABALLO.

ITINERARIOS LECTORES (1º PARTE)

2012-01-10T11:35:00.000-08:00

AGASALLA EN GALEGO

2011-12-22T09:33:00.000-08:00

Este nadal a Caracola Tola e o Beretiño fixéronse amigos para recomendar agasallos das nosas músicas e da nosa literatura.

LIBROS PARA AGASALLAR

2011-12-22T09:07:00.000-08:00

A Caracola Tola recomenda estes libros para os agasallos que que esperamos do Apalpador. Para a composición interior servímonos do libro de Xoán G. "O Apalpador e a castaña máxica".

PANXOLIÑA DO APALAPADOR

2011-12-18T05:59:00.001-08:00

NA CLASE DE MÚSICA ESTIVERON A TRABALLAR COA PANXOLIÑA QUE APARECE NO LIBRO DO APALPADOR E ASÍ A CANTA O ALUMNADO DE CINCO ANOS.

O APALPADOR

2011-12-15T02:30:00.000-08:00

ESTE E O PRIMEIRO DOS TRES CADERNOS SOBRE A FIGURA DO APALPADOR DESEÑADOS PARA TRABALLAR NAS DIFERENTES IDADES DO CICLO DE EDUCACIÓN INFANTIL.
caderno_de_investigación_o_apalpador_3_anos

CADERNO DO APALPADOR 4anos

2011-12-15T02:26:00.001-08:00

Este e o caderno de investigación do apalpador co que están a traballar os alumnos/as de catro anos.
CADERNO_DE_INVESTIGACIÓN_O_Apalpador_4_ANOS

CADERNO DO APALPADOR

2011-12-14T02:42:00.001-08:00

ESTE E O CADERNO DO APALPADOR QUE ESTAMOS A TRABALLAR NAS CLASES DE 5 ANOS
CADERNO_DE_INVESTIGACIÓN_O_Apalpador_5_ANOS

CHEGOU O TEMPO DO APALPADOR

2011-12-11T09:51:00.000-08:00

Chegou o apalpador á escola e andan en moitas clases contando os seus contos e pescudando sobre a súa figura. Estes son os contos que temos na biblio sobre él:

MURAL 25 NOVEMBRO: CHEGOU A NOSA VEZ

2011-11-25T02:58:00.000-08:00

EXPOSICIÓN SOBRE O 25 DE NOVEMBRO

2011-11-25T02:49:00.000-08:00

DÍA INTERNACIONAL CONTRA A VIOLENCIA DE XÉNERO

2011-11-24T02:25:00.000-08:00

Estas son as nosas propostas de actividades para traballar dende a escola o problema que está afectando tanto a nosa sociedade.

Open publication - Free publishing - More alexandre

"O MEU PAÍS " VISTO POLO ALUMNADO DE 3º CURSO

2011-11-20T08:36:00.000-08:00

Open publication - Free publishing - More biblioteca

OS NOVOS USUARIOS DA BIBLIOTECA

2011-11-16T02:18:00.000-08:00

Comezou o préstamo en Educación Infantil e xa temos os novos usuarios da Biblioteca da Caracola Tola.

CANCIÓNS NA BIBLIOTECA DA CARACOLA TOLA

2011-11-14T12:32:00.000-08:00

Open publication - Free publishing - More biblioteca

MES DA BANDA DESEÑADA NA ESCOLA

2011-11-06T11:45:00.000-08:00

Aproveitando os marabillosos empréstitos que nos fixeron chegar as BIBLIOTECAS DE REDONDELA con máis de 100 títulos de banda deseñada para todas as idades e querendo espallar ao máximo a iniciativa e a afección polos cómics estamos a traballar en distintas actividades con este xénero. Polo de pronto, montamos na biblioteca da CARACOLA TOLA unha exposición temporal cos títulos emprestados e os dos nosos fondos.

FORMACIÓN DE USUARIOS

2011-11-03T03:24:00.000-07:00

O CEIP DE PEDROUZOS ENVIOUNOS ESTE LIM PARA AXUDAR A FORMACIÓN DE USUARIOS DA BIBLIOTECA. INTENTA RESOLVER AS ACTIVIDADES E COMPROBARÁS SE ERES UN BO USUARIO.

GRAZAS O CEIP DE PEDROUZOS

NO SAMAÍN CONTAMOS CONTOS DE MEDO

2011-11-02T05:55:00.000-07:00

EN COLABORACIÓN CON DINAMIZACIÓN LINGUÍSTICA O ALUMNADO DE 5º CURSO PREPAROU CONTOS DE MEDO E DE SERES FANTÁSTICOS PARA FESTEXAR O SAMAÍN.

TÍTULOS PARA O SAMAÍN NA NOSA BIBLIO

2011-10-26T11:52:00.001-07:00

AS MOCHILAS VIAXEIRAS ANTES DE PARTIR

2011-10-26T11:05:00.000-07:00

VAIA SORTE!

2011-10-26T10:59:00.000-07:00

Como un marabilloso agasallo, chegou a nosa biblioteca o fermoso novo disco de MALVELA.
Temos a sorte de poder gozar das súas cancións e admirar a súa presentación.

AS MOCHILAS VIAXEIRAS

2011-10-24T11:22:00.000-07:00

Open publication - Free publishing - More book

Un conto para o Samaín

2011-10-24T11:04:00.000-07:00

A ESCOLA QUE NOS GUSTARÍA

2011-10-18T09:33:00.000-07:00

Una suxestión de actividade para 3º Ciclo

La escuela de los niños felices

Un conto para os primeiros días...

2011-09-28T02:54:00.000-07:00

Para falar dos medos á escola nos primeiros días de clase, nada mellor que contar as excusas que di "SPLAT, EL GATO" para non ir.

RECOMENDACIÓNS LECTORAS

2011-07-10T10:08:00.001-07:00

Publicación2

LEMBRANDO A JUAN FARIAS

2011-06-15T23:35:00.000-07:00

Canto tenmos gozado coa súa escrita, a retranca tan nosa e o seu amor polo país.
No enlace á nosa biblio podemos consultar as obras que del dispoñemos.
Ata sempre, Juan Farias

http://www.opacmeiga.rbgalicia.org/ResultadoBusqueda.aspx?CodigoBiblioteca=PEC074&Valores=DAFarias,%20Juan

DESFILE DE SOMBREIROS NA BIBLIOTECA

2011-06-15T13:45:00.000-07:00

O certo é que na clase de 4º curso de primaria vimos de rematar o libro de "Pamela Panamá ya no cree en los cuentos de hadas" no que abondan constantes referencias a toda sorte de sombreiros, chapeus ou calquera cousa que se poida levar enriba da cachola, así que decidimos colocarnos algo enriba da escola para rematar o último día de biblioteca.

A INSORPORTABLE LEVEDADE DAS BIBLIOTECAS ESCOLARES

2011-06-06T04:53:00.000-07:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

FACENDO UNHA RECENSIÓN AOS TÍTERES

2011-05-26T09:19:00.001-07:00

A verdade é que o mes de maio está cheo de actividades extraescolares; onte estivemos no Festival Internacional de Títeres gozando de "Cabaré de Fíos".
Nos comentarios van as críticas do alumnado de 6º curso.

VAIA SORPRESA !

2011-05-26T09:11:00.000-07:00

O alumnado de 6º recibemos onte unha mensaxe secreta na aula pero non fomos quen de descifrala polo que quedamos moi intrigados; pero, ante a nosa sorpresa, hoxe mandáronnos outra cun código moito máis fácil; nela, lemos que o alumnado de 1ª A nos invitaba á súa clase a escoitar uns contos feitos por eles na Hora de Ler; era o seu xeito de darnos as grazas polos contos que lles contamos ao longo do curso.
Xa podedes ver as caras de atención e , como non deu tempo a máis, xa voltaremos a por máis.
Grazas pola sorpresa!

CABARÉ DE FÍOS

2011-05-26T03:36:00.000-07:00

A obra representada para o alumnado do noso cole foi CABARÉ DE FÍOS de THE FIFTH WHEEL.
Altamente recomendable!!!!!!!!!

FESTIVAL DE TITERES DE REDONDELA

2011-05-26T02:46:00.000-07:00

Comezou xa a festa da diversidade que encherá de novo Redondela de marionetas de fíos, monicreques tradicionais, vangardas creativas, xogos participativos, animación de rúa e unha chea de sorpresas.
Para consultar o programa de actividades fai click sobre a imaxe.

Imaxinando a Daniel Nesquens perto de nós ...

2011-05-24T00:56:00.000-07:00

Imaxinamos que Daniel Nesquens pasaba pero para falarnos do libro que nos giustou tanto en 5º curso : "Ata ( case) 100 bichos" e fixemos uns carteis informativos.

"La máquina cuentacuentos"de Xelís de Toro para el itinerario lector de 3º de Primaria en Lengua Española

2011-05-20T04:47:00.000-07:00

Open publication - Free publishing - More book

O CONTO VIAXEIRO DE LOIS PEREIRO

2011-05-17T23:32:00.000-07:00

EN INFANTIL PARTICIPAMOS NA CREACIÓN DUN CONTO CON OUTROS COLEXIOS DE REDONDELA; AQUÍ TENDES A NOSA PARTE COMO ADIANTO.

Conto lois pereiro

View more presentations from estrelasbrancas.

APRENDENDO A SER CIENTÍFIC@S

2011-05-12T04:55:00.000-07:00

Aprendimos unha morea de cousas no MOBILAB ao mesmo tempo que nos divertimos; experimentos coa luz e cos microscopios que nos asombraron. Bravo pola iniciativa!

"LA HUIDA DE LEONARDO" ACTIVIDADES NO ALEXANDRE BÓVEDA

2011-05-04T03:31:00.000-07:00

Open publication - Free publishing - More children

MÁIS ACTIVIDADES: A BIBLIOCARAVANA.

2011-04-28T12:45:00.000-07:00

Recibimos a visita da bibliocaravana do Concello de Redondela onde , por medio de libros, quedaba reflectida a diversidade lingüística da península ibérica. Foi do máis interesante.

ACTIVIDADES NA SEMANA DO LIBRO

2011-04-28T12:24:00.000-07:00

Coa bibliocaravana do Concello de redondela viñeron dúas contacontos que animaron ao alumnado de E. Infantil e 1º ciclo de Primaria.Pasámolo moi ben!

Á DESCUBERTA DE XULIO VERNE

2011-04-27T03:42:00.000-07:00

As actividades do Libro céntranse na figura de Xulio Verne; estamos a descubrir aspectos moi interesantes das súas obras e a visión de futuro, predecindo moitas descubertas posteriores a el.

VIOLETA NON É VIOLETA, Actividades para 3º curso de E. Primaria no ALEXANDRE BÓVEDA

2011-04-26T23:41:00.000-07:00

Open publication - Free publishing - More caracola

QUE LIBRO SALVARÍAS?

2011-04-26T09:45:00.000-07:00

DENTRO DAS ACTIVIDADES DO DÍA DO LIBRO A CARACOLA TOLA PEDIUNOS QUE SALVÁSEMOS UN LIBRO DA LITERATURA GALEGA; VELAQUÍ TENDES A PROPOSTA, NUNS DÍAS TEREMOS OS RESULTADOS.

XELA VOLVEUSE VAMPIRA, Actividades para 4º curso no CEIP ALEXANDRE BÓVEDA

2011-04-26T01:11:00.000-07:00

Algunhas das actividades que estivemos a realizar coa lectura do libro de Fina Casalderrey "Xela volveuse vampira"

Open publication - Free publishing - More children

ENCONTROS PLAMBE 2011

2011-04-11T11:16:00.000-07:00

O venres, 8 de abril, estivemos nos Encontros PLAMBE das Bibliotecas escolares de Galicia. Sempre voltamos sorprendidas pola cantidade e calidade do traballo que se fai nas bibliotecas de Galicia, pola calidade das ponencias (canto temos que aprender no tema da autoavaliación!!)e pola excelente organización ( coma sempre) das responsables Pilar e Cristina. Sabemos que nos queda moito por facer, pero imos á modo polo camiño certo.

MÁIS ESCRITOS E ESCRITORES EN 5º CURSO

2011-04-11T04:48:00.000-07:00

Open publication - Free publishing - More caracola

ESCRIBINDO CON CARLOS NEGRO E ROSALÍA

2011-04-11T02:42:00.000-07:00

Open publication - Free publishing - More education

A PRIMAVERA NA ESCOLA

2011-04-10T09:31:00.000-07:00

Chegou a primavera á nosa escola e arrecende a flores e verde polos recunchos do patio e nós lembramos os versos de Pilar Pallarés:

"Á tarde , cun can e un libro
entreaberto
séntome nun banco do xardín
e detéñome a contemplar o transcorrer da vida."

POR FIN!!

2011-04-01T03:26:00.002-07:00

Despois de tanto esperar, vimos cumprida a nosa ilusión de ter connosco a X. A. Neira Cruz; contounos de Violeta, de Mo, da súa inspiración, da lectura e o tempo fíxose curtísimo. Quedaron tantas preguntas por facer...

Grazas Xosé A. Neira Cruz pola túa xenerosidadeao compartir con nós este tempo que lembraremos cun sorriso e moita dozura.

POR FIN!!

2011-04-01T03:26:00.001-07:00

BOLETIN Nº 8

2011-03-29T08:12:00.000-07:00

boletin MARZO 2011

A nosas recomendacións lectoras para disfrutar nas próximas vacacións.

Actividades ante a visita de Neira Cruz

2011-03-29T02:44:00.000-07:00

Open publication - Free publishing - More caracola

HAIKUS, MICROPOEMAS...

2011-03-21T08:29:00.000-07:00

Compoñendo haikus e micropoemas, lendo poemas na bibliotecas, así festexamos o Día da Poesía. Gozamos decorando a a nosa chapa ( grazas á ANPA que nos emprestou a máquina) e levándoa na lapela.

HAIKUS E MICROPOEMAS

2011-03-21T08:04:00.000-07:00

POESÍA NA LAPELA

2011-03-20T10:10:00.000-07:00

Para festexar o Día Mundial da Poesía quixemos facer unha pequena homenaxe ao pobo xaponés, estudando os HAIKUS en 4º, 5º e 6º. Logo compuxemos outros que xa iremos mostrando; nos demais cursos dedicáronse aos MICROPOEMAS.

Ao final, coa axuda dunha maquiniña que nos emprestou a ANPA, imos poñer o noso haiku ou micropoemas nunhas chapas; deste xeito todo alumnado levará ese día o seu POEMA NA LAPELA

DIA DA POESÍA- EXPOSICIÓN DE LIBROS

2011-03-19T12:11:00.000-07:00

VISITA DE X.A. NEIRA CRUZ

2011-03-15T02:58:00.000-07:00

Na escola estamos esperando con moita ilusión a visita de X.A. Neira Cruz o día 31 de marzo. Temos varias actividades preparadas que iremos mostrando pouco a pouco. Polo de agora vai unha mostra da súa bibliografía .

Open publication - Free publishing - More book

MULLERES CIENTÍFICAS

2011-03-11T00:53:00.000-08:00

Open publication - Free publishing - More education

A RECOMENDACIÓN LECTORA DO DÍA DA MULLER TRABALLADORA

2011-03-11T00:16:00.000-08:00

A pequena Curie era a bomba: aprendeu soa a ler, sabía patinar sobre xeo, falaba cinco idiomas e ademais era ben guapa. O normal é que de maior xa non quedase moito por descubrir.... pero non fixera máis que empezar: a súa enerxía atómica non se detería até resolver un dos misterios científicos máis desconcertantes e perigosos de todos os tempos.

ESCRIBINDO CON ROSALÍA

2011-03-03T06:03:00.000-08:00

Open publication - Free publishing - More school

CELEBRACIÓN DO DÍA DE ROSALÍA

2011-02-25T05:35:00.000-08:00

Unha exposición de libros de Rosalía, un mural sobre Rosalía, outro cos traballos do alumnado (gráficos e escritos) sobre a súa obra concretaron , ao final, as actividades que a biblioteca foi propoñendo para este 24 de febreiro que, como cada ano, conmemoramos e festexamos para lembrar e coñecer a nosa ilustre escritora.

ROSALÍA E A CIENCIA

2011-02-23T11:51:00.000-08:00

Quen dixo que non hai relación entre poesía e ciencia? Do libro "Explorando el mundo. Poesía de la ciencia. Antología" (Editorial Gadir) coa edición de Miguel García Posada, copiamos este poema de Rosalía de Castro que está moi relacionado co noso proxecto de "Ás descubertas" e ábrenos unha porta máis sobre Rosalía.

A LOS CUATRO PUNTOS CARDINALES

Desde los cuatro puntos cardinales

e nuestro buen planeta

– joven, pese a sus múltiples arrugas -,

miles de inteligencias

poderosas y activas

para ensanchar los campos de la ciencia,

tan vastos ya que la razón se pierde

en sus frondas inmensas,

acuden a la cita que el progreso

les da desde su templo de cien puertas.

Obreros incansables, yo os saludo,

llena de asombro y de respeto llena,

viendo como la Fe que guió un día

hacia el desierto al santo anacoreta,

hoy con la misma venda transparente

hasta el umbral de lo imposible os lleva.

¡ Esperad y creed! , crea el que cree,

y ama con doble ardor aquel que espera.

Rosalía de Castro

2º SESIÓN DO CLUBE DE LECTURA DE 5º CURSO

2011-02-23T11:13:00.000-08:00

Hoxe tivemos a 2º sesión do clube de lectura de 5º sobre o libro " A monstroescola. Que veñen os monstros" de . Fariña.
Iso de que pechen escolas está moi perto de nós xa que hai unha escola veciña ( a de Trasmañó) que vén de pechar o curso pasado e así falamos das semellanzas; tamén fomos comentando os diferentes personaxes e facendo conxeturas do que pode pasar. Estamos desexando ler en que queda este lío que se acaba de formar co correo electrónico.
Por último, quedamos de "repensar" o nome para o clube de lectura.

2ª sesión do Clube de lectura de 6º

2011-02-17T10:10:00.000-08:00

Onte volvimos a reunirnos para falar de " A pantasma de Canterville" de Oscar Wilde.
Acordamos seguir buscando un nome xa que non houbo empate entre dúas opcións e decidiuse pensalo un chisco máis.
Comentouse a diferencia cultural entre os ingleses e os americanos, a importancia da mancha da biblioteca e da biblioteca mesma, das diferentes personalidades dos personaxes , do sentido do humor do texto e algúns integrantes apuntaron tame´n que non cambiamos moito cando despois de 200 anos hai homes que continúan a asasinar ás súas mulleres.
Logo comentamos as pasaxes que máis nos gustaron deste capítulo e quedamos de ler o 2º para dentro de quince días.

MALOS TEMPOS

2011-02-15T01:45:00.000-08:00

Open publication - Free publishing - More education

Unha mostra dos traballos do alumnado do 3º ciclo relacionados coa canción de Lamatumbá.

RABUÑANDO NOVOS CANTARES CON ROSALÍA

2011-02-11T05:12:00.000-08:00

DENDE A ESCOLA QUEREMOS FESTEXAR O DÍA DE ROSALIA DE CASTRO CON ALGÚNS RECURSOS E ACTIVIDADES QUE AXUDEN AO NOSO ALUMNADO A ESTAR MÁIS PRETO DUNHA DAS NOSAS PRINCIPAIS AUTORAS.

Open publication - Free publishing - More workshop

Músicas para o Día de San Valentín

2011-02-11T03:30:00.000-08:00

HEI DE ESTAR ALÍ

NON CHE PROMETO AMOR
FALAR DO QUE NON SEI
MAIS SE AS MANS CHE ENFRÍAN
HEI DE ESTAR ALÍ

NON SEI DICIR MENTIRAS
FALANDO DE AMOR
MAIS SE FALTAN AS FORZAS
HEI DE ESTAR ALÍ

PREGUNTAS POLO AMOR
NON ME ATREVO, NON SEI
MAIS SE TODOS MARCHAN
HEI DE ESTAR ALÍ

QUERES FALAS DE AMOR
QUE EU NON SEI DICIR
MAIS SE TODOS CALAN
HEI DE ESTAR ALÍ

CANTEI COPLAS DE AMOR
CON PALABRAS SEGREDAS
MAIS SE TI MO PIDES
HEI DE ESTAR ALÍ.

Letra: Suso de Toro
Música: Tradicional/Xoán Porto
Madama. Leilía.

NON SEI

Non sei o que pasa por min cando te miro. Non sei porque o meu corazón deixas rendido.Non sei que teñen os teus ollos , eu que terei? Non sei porque falar non podo. Non sei. Esas túas queixas amargas feren o meu corazón, quéreme cal eu che quero meu padecer acabou. Cando os paxariños cantan, cando vai raiar o sol...nosoutras cantemos meu ben nosos cantares de amor.

Música e letra: Emilio Álvarez NORDESTIN@S NORDESTIN@S

Outro clube de lectura que comeza..

2011-02-09T11:17:00.000-08:00

Xa temos o segundo clube de lectura do alumnado de 5º que está ansioso por comezar a ler e charlar sobre o libro escollido. Neste caso trátase de " A monstroescola. Que veñen os monstros " de Anxo Fariña. Pensamos que nos vai gustar moito. Temos que dar as grazas á biblioteca do CEIP Mestre Martínez Alonso de Mos por nos emprestar os exemplares que imos usar. Este sistema de "LIBROS A EITO" é a primeira vez que o usamos pero é un xeito inmellorable de optimizar recursos .
Hoxe falamos dos clubes de lectura, as súas características, do que iremos facendo...A persoa que vai moderar as sesións para este libro vai ser a nosa orientadora Maite que está moi contenta con esta nova andaina.
Colgaremos fotos da xuntanza estes días pero hoxe vai a portada do noso libro.

RECOMENDACIÓNS LECTORAS: "DÍA DA PAZ"

2011-01-27T02:42:00.000-08:00

AS NOSAS RECOMENDACIÓNS LECTORAS PARA O DÍA DA PAZ SON TRES LIBROS QUE NOS AXUDAN A POÑERNOS NO PUNTO DE VISTA DE OUTRAS PERSOAS E ASI ATOPAR SOLUCIÓNS PACÍFICAS ANTE OS CONFLITOS.
PARA EDUCACIÓN INFANTIL: "POR CUATRO ESQUINITAS DE NADA" EDITORIAL JUVENTUD

PARA PRIMEIROS LECTORES: "ÉRASE OTRA VEZ UN BOSQUE" EDITORIAL INTERMÓN OXFAM

PARA LECTORES AUTÓNOMOS: "EL PACTO DEL BOSQUE" EDITORIAL EL JINETE AZUL

INAUGURAMOS CLUBE DE LECTURA

2011-01-27T02:27:00.000-08:00

Onte, mércores,26, tivemos a primeira xuntanza do clube de lectura co alumnado de 6º curso.Será a profe de inglés a moderadora deste clube e , grazas a colaboración do CEIP Igrexa (Chapela) que nos prestaron os exemplares , poderemos ler " A pantasma de Canterville" de Oscar Wilde, en versión adaptada da editorial Almadraba.
O primeiro día falamos un chisco sobre os coñecemntos previos que tiñamos da obra ou do autor ( xa había alguén que a lera) e tamén había outros que escoitaran falar do "Retrato de Dorian Gray".
Quedamos de buscar un nome para o vindeiro día e falamos tamén das normas dun clube de lectura e as razóns da súa existencia.
Creo que tod@s saímos ben content@s.

A MALETA DO CFR DE VIGO

2011-01-21T00:36:00.001-08:00

Esta semana estamos de noraboa, xa que temos dúas grandes exposicións de libros;en primeiro lugar, recibimos de novo fondos da biblioteca de Chapela sobre o noso proxecto integrado e , en segundo lugar, recibimos a maleta que o CFR de Vigo preparou para andar entre os centros, orientados ao profesorado que estea interesado na animación á lectura e os seus diferentes aspectos.

ARROLANDO

2011-01-17T11:33:00.000-08:00

Vimos de descubrir un disco especial; chámase "Arrolos de salitre" de Xabier Díaz e Guillerme Fernández e é unha coidada produción de nanas para os máis miúdos en especial pero válidos para todas as idades. Tamén podemos ler un conto moi poético de Lupe Gómez e gozar dunha variedade ampla de voces do noso novo panorama musical.

Á DESCUBERTA DOS CONTOS

2011-01-13T02:48:00.000-08:00

O alumnado da clase de Marie Curie empezou hoxe a contar os contos o alumnado de Infantil e primeiro ciclo. VelaÍ unha mostra do seu traballo...

PAIXÓN POLOS LIBROS

2011-01-11T07:05:00.000-08:00

Nestes tempos de consumismo atroz, toda unha lección de humildade e un punto de reflexión sobre o noso labor cotián.

RECOMENDACIÓNS LECTORAS PARA O NADAL

2010-12-18T11:06:00.000-08:00

ESTE NADAL A CARACOLA PREPAROU UNS MARCA-PÁXINAS MOI ESPECIAIS PARA OS/AS NOSOS/AS LECTORES/AS, TEMOS PARA OS/AS INFANTÍS, PARA OS/AS QUE EMPEZAN A LER, PARA OS/AS QUE XA SON AUTÓNOMOS E PARA EXPERTOS.
NO NOSO COLE XA TEMOS OS NOSOS PERO TI BUSCA O TEU E ATOPARAS ESE LIBRO QUE PEDIR OS REIS OU A PAPÁ NOEL.

Boletín de decembro

2010-12-17T03:15:00.000-08:00

boletin DECEMBRO 2010

EMPRÉSTITOS DE LIBROS DA BIBLIOTECA DE CHAPELA

2010-12-13T02:48:00.000-08:00

A biblioteca de Chapela vén de emprestarnos un feixe de libros e películas que teñen que ver co proxecto que estamos a traballar. Aí van unhas fotos da exposición temporal que montamos na nosa biblio para que podades botarlle unha ollada.

VISITA AO MULTIUSOS

2010-12-02T07:55:00.000-08:00

O alumnado de 5º e 6º visitou a exposición " Máquinas Absurdas" do escultor Bernardo Seoane. Tivemos a grande oportunidade de falar co autor das devantitas máquinas, explicándonos detalladamente o proceso de deseño e elaboración das súas obras. Tamén tivemos a oportunidade de consultar os fondos da Biblioteca para pescudar acerca de grandes inventores/as e deseñadores/as.

LIBRO DA SEMANA

2010-12-01T12:21:00.000-08:00

Acaba de chegarnos á escola o libro da nosa compañeira Eva Rivas relatando a súa experiencia sobre o seu accidente cardiovascular. Un libro cheo de coraxe recomendable para adult@s.

VISITA Á EXPOSICIÓN NA BIBLIOTECA DE CHAPELA

2010-11-30T23:37:00.000-08:00

Hoxe, o alumnado do 3º ciclo visitará a exposición de Bernardo Seoane sobre " Máquinas absurdas".
Xa vos contaremos....

TARXETAS VERMELLAS

2010-11-30T09:32:00.001-08:00

O alumnado de 6º curso sacou tarxeta vermella a diferentes aspectos relacionados coa violencia machista .

CAMBIANDO A HISTORIA...

2010-11-27T11:29:00.000-08:00

Ola amig@s da Caracola Tola.Como vos vai?
"@s infantís" estamos reflexionando sobre as ocupacións das mulleres e dos homes da prehistoria. Decatámonos de que cada un tiña o seu papel fundamental para a supervivencia da tribo.
Aínda que o principio pensamos que as ocupacións dos homes eran máis "importantes", despois de darlle moitas voltas, chegamos a conclusión de que todas eran igual de importantes e necesarias.
Pero... é se cambiamos un pouco a historia??? Despois de moita reflexión as nenas decidiron dedicarse a caza e os nenos a recollida de leña. Foi moi divertido!!!
Mirade como o plasmamos graficamente...

"Nenas... a cazar!!!! Nenos... a recoller leña!!!!

"A EDUCACIÓN E A REFLEXIÓN SON FUNDAMENTAIS PARA MEDRAR NA IGUALDADE E PREVIR A VIOLENCIA DE XÉNERO"

25 DE NOVEMBRO DIA INTERNACIONAL CONTRA A VIOLENCIA DE XÉNERO

TREBOADA

2010-11-23T08:16:00.001-08:00

TREBOADA

CANCIÓN CONTRA A VIOLENCIA DE XÉNERO

2010-11-22T02:26:00.000-08:00

TREBOADA
XA CHEGA A TREBOADA
XA CHEGA POLO NORTE
VEN CARGADA DE SANGUE
VEN SEDENTA DE MORTE

TREBOADA DE AREA
TREBOADA DE SAL
QUE SE LEVA ÓS CATIVOS
NON NOS DEIXA MEDRAR

TREBOADA DE AREA...¡NON A QUERO!
TREBOADA DE SANGUE... ¡NON A QUERO!
TREBOADA DE MORTE...¡NON A QUERO!
CHEGA POLO NORTE PARA ONDE SE IRA

TREBOADA MALDITA
DA DESESPERACIÓN
QUE MALTRATA AS MULLERES
QUE ROMPE OS CORAZÓNS

VAI E METE NO MEDIO
ANQUE POIDAS MORRER
QUE TODO O QUE LEVA O VENTO
NON SE PODE ESQUECER.

Letra e música: Antonio Saco.
Lume (para que saia o sol) . Lamantumbá

LIBROS PARA O 25 DE NOVEMBRO

2010-11-20T09:39:00.000-08:00

Libros que nos axudan a loitar contra a violencia machista

OES, EU LEO!

2010-11-18T09:42:00.000-08:00

Hoxe foi a presentación na aula de 6º do programa de animación á lectura " Oes, eu leo!".Ofértase unha selección moi interesante de dez libros con autores/as de recoñecido prestixio da literatura infantil e xuvenil;poderemos LER ESCOITANDO parte dos contos e nun punto determinado seguir cos libros.
Seguro que gozaremos moito con esta actividade!
Antes de dita presentación xa fixemos algunhas actividades que vos mostramos.

BOAS NOITES

2010-11-16T01:45:00.000-08:00

Mostra do traballo realizado plo alumnado de 3º na hora di Biblioteca.

Open publication - Free publishing - More library

POSTAIS CON DESCUBERTAIS

2010-11-15T02:32:00.000-08:00

Para comezar o curso, moitas das familias enviáronnos tarxetas postais co fin de facernos chegar a súa opinión sobre a descuberta máis importante da humanidade.
Coma sempre, a Caracola Tola quedou impresionada da grande participación e da altísimo calidade da maioría dos traballos.
Estamos a descubrir moitas cousas nesta actividade.
Grazas pola vosa colaboración!

AS PRIMEIRAS DESCUBERTAS

2010-11-11T02:06:00.000-08:00

EMPEZAMOS AS NOSAS DESCUBERTAS POLO PRINCIPIO DOS TEMPO, É DICIR, A PREHISTORIA.

DENDE A BIBLIOTECA DEIXÁMOSVOS UN CONTO "PREHISTÓRICO".

A SUXESTIÓN LECTORA DA SEMANA

2010-11-04T03:30:00.000-07:00

QUERES CONSTRUIR UNHA MÁQUINA DE NEVE?, FACER UN INSECTO ROBOT?, OU BEN UN DETECTOR DE MENTIRAS? AQUÍ TES O LIBRO QUE PRECISAS:

"BATERIAS EN ACCIÓN" DA EDITORIAL CATAPULTA

A VOLTAS COAS MOCHILAS DE INFANTIL

2010-11-04T03:19:00.000-07:00

PARA TODOS/AS QUE TIVÉCHEDES PROBLEMAS COAS MOCHILAS AÍ VAI UNHA POSIBLE SOLUCIÓN QUE NOS BRINDA, UNHA VEZ MÁIS, SONIA A NAI DE BRAIS REY.

MOITAS GRAZAS